Мемлекет басшысының «Таза Қазақстан» атты 5 апталық республикалық экологиялық акциясы аясында Таразда 11 сәуір мен 11 мамыр аралығында «Таза өлке» іс-шарасы жүзеге асырылып жатыр.

Бүгін Тараз қаласында «Таза өлке» акциясы аясында үй, мекеме аулаларына тазалық жұмыстары жүргізілді. Тазалық акциясы қаладағы 11 аумақтық округтің барлығында өтті.

Қала әкімінің бас инспекторларының ұйымдастыруымен 100-ге жуық тұрғындар өз аулаларына санитарлық-тазалық жұмыстарын жасады.

Сонымен қатар қала аумағын абаттандыру және санитарлық тазалау жөніндегі 2 айлық аясындағы сенбілікте бірқатар бекітілген аумақтарда 500 адамның қатысуымен игі іс жүзеге асырылды.

Сондай-ақ қала ішіндегі жарық шамдарының бағаналарын сырлау, әрлеу жұмыстары жүргізілді. Бұл санитарлық жұмыстарды «Жасыл ел- Тараз» ЖШС жұмысшылары атқарды.

#TazaQazaqstan #ТазаҚазақстан

​https://www.facebook.com/share/6oiatjTTzW18gpBp/​​​